ALIPWA USD 90,000 KWA KUISHTAKI KAMPUNI YA SIMU, NA WEWE CHUKUA HATUA SASA.

                                    

NA  BASHIR  YAKUB-

Makampuni  ya  simu  kama  Vaodacon, Airtel, Tigo, Zantel, Sasatel, na  mengineyo  yamekuwa  yakitenda  makosa  mbalimbali  kwa wateja  wao.  Mara  kwa  mara  wateja  wa  simu  wamekuwa  wakilalamikia  matendo  ya  makampuni   haya  lakini  wengi  wao  wamekuwa  hawachukui  hatua  zaidi  ya  kulalamika. Ni  watu  wachache  mno  ambao  wamekwishachukua  hatua  za  kisheria  dhidi  ya  makampuni  haya licha  ya  uonevu  mkubwa wa   kihuduma   wanaousababisha.  

 Ukiangalia  kwa  haraka  utaona  kuwa walio  wengi  hushindwa  kuchukua  hatua   kwanza  kwa  kutojua  kama    kuna  uwezekano  wa  kuchukua  hatua , pili  kutokujua  kama  kilichotendeka  ni kosa  na  kinahitaji  adhabu  au  wakati  mwingine  kwa  kuamua  kuacha  tu.

1.MNIGERIA  ALIPWA  USD  90,000 KWA  KOSA  LA  KAMPUNI  YA  SIMU.

Nchi  kama  marekani,  uingereza  na  karibia  nchi  nyingine  za  ulaya  zote,  na  Afrika  zaidi  Nigeria  na  Afrika  kusini  makampuni ya  simu  yamekuwa  yakilazimika  kulipa  fidia  nyingi mara  kwa  mara  kwa  wateja  wao  kutokana  na  makosa mbalimbali  ambayo    makampuni  yamesababisha  kwa  wateja.  

Hivi  karibuni  nchini  Nigeria  kampuni    moja  ya  simu  imelazimika  kumlipa  fidia  ya USD  90,000  mtu  mmoja  ajulikanaye  kwa  jina  la Edo  Emeka  baada  kuishtaki  kampuni  hiyo  kwa  kumfungia  kadi/namba(line)  yake  pasi  na  sababu  za  msingi.

 Katika  kesi  hiyo  mlalamikaji  Emeka  aliieleza mahakama  kuu  mjini  Lagos  usumbufu  alioupata  kwa   kitendo  hicho  cha  kufungiwa  namba  yake  kitendo  kilichopelekea  mahakama  iamuru  alipwe tuzo(decree)  hiyo.  Aidha  zipo  kesi  nyingi  katika  nchi  mbalimbali  ambapo  watu  wamelipwa   mamilioni  ya  pesa  kutokana    na  makosa   yanayosababishwa  na  makampuni  haya. Hapa  kwetu  makampuni haya  hutengeneza  faida  tu   na  sisi hatuyawajibishi  kwa namna  yoyote  kwa  makosa   na usumbufu tunayosababishiwa  kila  siku.

2.   KWA  MAKOSA  HAYA  WAWEZA KUISHTAKI  KAMPUNI  YA  SIMU .

Hapa  kwetu  sawa  na  nchi  nyingine  duniani   makosa  ya makampuni  ya  simu  kwa  wateja  wao  hufanana. Kuna kufunga  namba  ya  mtu  bila  sababu  za  msingi,  kukata  salio  la  mtu    bila  sababu  za  msingi, kumwekea  mtu    mwito  wa simu  ambao  yeye  mwenyewe  hajachagua , kutumia  mziki  wa  msanii  katika  program  yoyote   bila  ridhaa  yake , kutokuwa  hewani  au  kukata  mawasiliano  bila  taarifa  kwa  wateja,  majenereta  ya  minara kusabababisha usumbufu  na  kelele  kwenye  makazi  ya  watu,  kwa kutaja  ni machache.

3.  NAMNA  YA  KUYASHITAKI  MAKAMPUNI  YA  SIMU.

Watu wengi   hata  nchi  za  nje  walioyashitaki  makampuni  ya simu  wameshitaki  katika  kesi  za  madai.  Kesi  za  madai  ni  kesi  ambazo  hukumu  yake    kama  mlalamikaji  atashinda  basi  hutakiwa  kulipwa  kiasi  fulani  cha  hela. Malipo  hayo  yaweza  kuwa  ya  fidia,  usumbufu,  gharama,  kutegemea  na  mtu  mwenyewe  alichoomba  kulipwa.  Kosa  kwa  mfano  kosa  la  kufungiwa  namba . Imekuwepo  tabia   ya  makampuni  haya  kufunga  namba  ya  mtu   kwa  kisingizio  cha  kuwa  eti  amekuwa  hatumii   kadi/laini  hiyo  kwa  muda.

 Wapo  watu  ambao  huacha  kutumia  laini  zao  kwasababu  za  kuwa  nje  ya  nchi  na  wengine  huacha  kutumia   kwa  ugonjwa  wa  muda  mrefu  na  wengine  huwa  na  kadi  nyingi   na  hivyo   hutumia  kila   moja  kwa  awamu. Hili  linapaswa  kuwa  kosa  iwapo  sharti  hilo  lipo  katika  ile  karatasi  unayopewa  wakati  wa  usajili wa kadi.

  Ni  vema  kujua  kuwa  karatasi  unayopewa  wakati  wa  usajili  ndio  mkataba  wa  makubaliano  kati  yako  na  kampuni  ya  simu.  Ukiangalia  karatasi  za  makampuni  yote  yaliyoko  nchini  hakuna  karatasi  hata  moja  yenye  maelezo  ya  kufungiwa  kadi  iwapo  itakuwa  haitumiki  kwa  muda  fulani. Hivyo  ni kusema  kuwa  kitendo  chochote  cha  kufunga   kadi  ni  kufanya  kosa  na  kusababisha  usumbufu  ambao  unahitaji  kufidiwa.

Pia kumwekea  mteja  mlio  ambao  mpigaji  akimpigia  anausikia   wakati  mteja  hakuuomba  ni  kosa ambalo wakati  mwingine humvunjia  heshima  mteja. Kwa  kampuni  za  simu  za  hapa  kwetu  ni  rahisi  kumpigia  simu  Sheikh  mkuu  ukasikia mwito  wa  nyimbo  ya  kwaya  au  ukampigia  Kardinali  Pengo  ukasikia kaswida  au  aya  za Qurani  kama  mwito  wake.

Pia  nyimbo  za  wasanii  kutumika  kibishara  bila  wao  kutoa  ridhaa  ni  kosa  linalohitaji  fidia.  Kutokana   na  haya  fungua  kesi  mahakama  kuu kwa  mfano  itaandikwa  BASHIRI  vs  AIRTEL  TANZANIA  LTD  huku  ukiainisha kosa  ulilotendewa, madhara  uliyopata  na  kiasi  cha  fidia  unayotaka. Kesi  hizi  hufunguliwa  mahakama  za  wilaya  na  mahakama  kuu  kulingana  na  kiwango  cha  hela  unachodai.  Wakili  mmoja  ajulikanaye  kama  ISHENGOMA  tayari  ameishtaki  AIRTEL   akidai  kulipwa  milioni 400 kwa  kumfungia  kadi  alipokuwa  nje  ya  nchi  kimasomo. Na  wewe  pia  waweza  kufanya  hivyo  ili  kukomesha  usumbufu  unaosababishwa  na  makampuni  haya.

MWANDISHI   WA   MAKALA  HAYA   NI   MWANASHERIA  NA  MSHAURI   WA  SHERIA  KUPITIA  GAZETI  LA  SERIKALI   LA   HABARI   LEO  KILA  JUMANNE  , GAZETI  JAMHURI   KILA  JUMANNE  NA  GAZETI  NIPASHE  KILA  JUMATANO.    0784482959,        0714047241              bashiryakub@ymail.com

                                           TANGAZO   MUHIMU                                                

VIWANJA     NA     NYUMBA          ZINAUZWA.

·        
WANASHERIA   WETU   WATAKUANDALIA   MIKATABA  YOTE  BURE  NA    KUKUSIMAMIA  MPAKA   MANUNUZI    YAKAMILIKE   BURE.

·        
UHALALI   WA  NYARAKA   NA   UMILIKI   UMETHIBITISHWA  NA                        WANASHERIA  WETU.

·        
UTAPEWA  MTU  WA  KUKUSAIDIA  KUFANYA  TRANSFER   KWA  HARAKA         BURE.

·        
IKIWA   UTATOKEA   MGOGORO  NDANI   YA  MWAKA  TANGU  TAREHE  YA       MANUNUZI    UTAPEWA   WAKILI   WA   KUSIMAMIA  MGOGORO    BURE

                                                        0784482959.

 KUONA   BOFYA  HAPO  JUU    MWANZO  WA   BLOG.